Նախընտրելի է ԶՃ չափման համար օգտագործել ավտոմատ էլեկտրոնային սարք, բայց կարող են կիրառվել նաև ավանդական սֆիգմոմանոմետրեր սթետոսկոպով:
Եթե սֆիգմոմանոմետրով է չափումը իրականացվել, ապա գրանցվում են Կորոտկովի առաջին և հինգերորդ տոները (տոների առաջանալը և անհետանալը), որոնք համապատասխանում են սիստոլիկ և դիաստոլիկ զարկերակային ճնշման մակարդակներին:

• Զարկերակային ճնշումը չափվում է բազկի վրա:
• Ճնշումը կարելի է չափել ցանկացած ձեռքի վրա, սակայն նախընտրելի է ձախը
• Մանժետը պետք է գտնվի սրտի մակարդակի վրա
• Մանժետի ստորին եզրը պետք է 2 սմ վերև գտնվի արմնկային փոսից, իսկ ռետինե խողովակը, որը միացնում է մանժետը սարքին, պետք է լինի ձեռքի մակերեսային հատվածում:
• Մասնակցի չափվող ձեռքը պետք է հարմարավետ դրված լինի սեղանի վրա
• Մասնակիցը պետք է նստած լինի հարմարավետ, մեջքը հենակին հենված, ոտքերը ամուր դրված հատակին, այլ ոչ թե խաչված վիճակում և պետք է ամուր դրված լինեն հատակին:
• Նախքան չափումը.պետք է վստահ լինել, որ հետազոտվողը 15 րոպե առաջ.
  ▪ Չի ծխել,
  ▪ Չի ընդունել ալկոհոլային խմիչքներ,
  ▪ Չի ընդունել կոֆեին պարունակող ըմպելիքներ` թեյ, սուրճ, կոլա, էներգետիկ ըմպելիքներ:
• Երեք (3) ԶՃ 1 րոպե ընդմիջումներով չափումները անհրաժեշտ է գրանցել հավելվածում:
• ԶՃ յուրաքանչյուր ցուցանիշը, իսկ ավտոմատ սարքով չափելու դեպքում նաև անոթազարկի ցուցանիշը պետք է ամրագրվեն անմիջապես օգտագործվող հավելվածում:
• Եթե ԶՃ չափվել է աուսկուլտատիվ մեթոդով, ապա անոթազարկը պետք է չափել յուրաքանչյուր ԶՃ չափումից հետո 1 րոպեի ընթացքում և ԶՃ ցուցանիշների հետ անմիջապես ամրագրել օգտագործվող հավելվածում: